Rusiya baş nazirinin müavini ABŞ-ın Avropa üçün tariflərinin nəticələrini açıqlayıb

news/2025_04_04/upload_2023_11_08t110349z_263810181_rc2z84amrxcz_rtrmadp_3_eu_enlargment_pic_32ratio_900x600_900x600_69932_1743779596.jpg

DÜNYA

476

04.04.2025, 19:18

ABŞ-ın tarif siyasəti Avropanın sənayesizləşdirilməsini sürətləndirəcək.

Oxu24.com xəbər verir ki, bu barədə Rusiya Federasiyası Baş nazirinin müavini Aleksey Overçuk “Rossiya 24” telekanalının efirində bildirib.

Overçukun sözlərinə görə, bu proses Avropada ucuz enerji mənbələrindən məhrum olduqdan sonra başlayıb.

"Aydındır ki, Avropa rəqabət üstünlüyünü itirir, o, özünü bu rəqabət üstünlüyündən, ucuz enerjidən məhrum edib, sənayesizləşdirmə və investisiyaların Şimali Amerikaya köçürülməsi proseslərinə başlayıb. Gördüklərimiz - müvafiq tariflərin tətbiqi - yalnız bu prosesə təkan verəcək", - baş nazirin müavini bildirib.

Baş nazirin müavini onu da qeyd edib ki, ABŞ-ın dünyanın demək olar ki, bütün ölkələri üçün artan rüsumlar tətbiq etməsi deqloballaşmanın sübutudur.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

“Biz uzun müddətdir ki, deqloballaşmanın baş verdiyindən danışırıq və əslində, ticarət maneələrinin qurulması beynəlxalq ticarət sisteminin dağıdılmasının gözümüzün qabağında getdiyini göstərir”, - deyə o əlavə edib.

Aprelin 2-də ABŞ prezidenti Donald Tramp bütün idxal mallarına 10%-lik əsas rüsumların tətbiq ediləcəyini açıqlayıb. O, bu qərarını ticarət balansının pozulmasının ABŞ-ın milli təhlükəsizliyinə təhlükə yaratdığı ilə izah edib.

ABŞ ayrı-ayrı ölkələrə və birliklərə əlavə məhdudiyyətlər tətbiq edəcək. Ağ Ev, qərarın Amerika məhsullarına qarşı "proteksionist tədbirlər" tətbiq edən ölkələrə təsir edəcəyini açıqladı. Siyahıya Böyük Britaniya, Yaponiya, Çin, Ukrayna və Aİ daxil olmaqla 185 ölkə daxildir. Rusiya və Belarus siyahıda yox idi.

Nigar